Bond Fund Review – Isa Pa!

kung babalikan natin kung saan nagsimula ang pagaaral na to… mapapansin na pagkatapos ng “trend B” ay umangat pa ang navpu ng sbpsuit (sb peso bond fund)… di natin sinasabi na mangyayari ulit ang “trend” na yan sakaling mapatid na ang sunod sunod na “rate cuts”… pero ayos na rin na isama natin sa “review”…

ulitin ko lang – di natin sinasabi na mauulit ang “trend B” pagkatapos ng sunod sunod na “rate cuts”

ang kasunod na tsart ay ang “interest rates” ayon sa bsp (banko sentral ng pilipinas) mula setyembre 13 2012 hanggang hulyo 31 2014… inumpisahan natin ito bago ang pinakahuling “rate cut” hanggang sa pinakaunang “rate hike” (o pagkatapos ng “trend B”)

sinusundan ito ng tsart ng navpu ng sbpsuit sa parehong taym prem… nagumpisa ito at pinakamababa sa bandang 1.36, pinakamataas sa 1.71, at natapos sa 1.57… 4 na pares ng “trends” ang isasama natin sa pagaaral…

bersyon 1 – “the holder”

ang tsart naman sa mismong baba ay nagpapakita ng “return on investment” ng kada navpu ng sbpsuit… umakyat ito sa 25.23% pero natapos ito sa 15.33%... kung iisipin, sayang ang halos 10% na nawala mula sa pinakamataas (kaya wag na lang isipin), pero nakakatuwang malaman na walang “significant paperloss” na nangyari… umabot lang ito sa -0.47% (tuwa)... kaya ayos din na patapusin ang taym prem na ito…

ibig sabihin…

kapital – 10,000.00

papergain – 15.33%

market value – 11,533.00

bersyon 2 – “the fortune teller”

tulad sa mga nakaraang pagaaral, “bolang kristal" ang ginamit dito… pero di tulad sa mga nakaraan, isinama natin dito ang “potential loss”… ito ang lumabas sa “bolang Kristal” – +25.23%, -9.20%, +4.77%, -4.61%, +3.94%, -5.61%, +4.28%, at -1.81%... kung kukunin lang natin ang mga “gains” umaabot yan sa +38.22%

ibig sabihin…

kapital – 10,000.00

papergain – 38.22%

market value – 13,822.00

bersyon 3 – “the reactor”

base sa tsart sa baba, ito ang mga “returns” – +22.70%, +2.20%, +1.54%, +2.20%... umabot ito ng 28.64%

ibig sabihin…

kapital – 10,000.00

papergain – 28.64%

market value – 12,864.00

aral, “caveat” at mga payo

para mas madaling tingnan, ito kinalabasan sa 10,000.00 na kapital…

bersyon 1 “the holder” ay nagkaroon ng 11,533.00

bersyon 2 “the fortune teller” ay nagkaroon ng 13,822.00

bersyon 3 “the reactor” ay nagkaroon ng 12,864.00

“interesting” na malaman na naging maayos pa rin ang kinalabasan ng “the holder” kahit natapos na ang sunod sunod na “rate cuts”… pero mas ayos kung gumamit na ng “stop loss” base sa “risk tolerance” mo… halimbawa kung -5.00% mula sa pinakamataas, marahil +20.00% ang kinalabasan ng “the holder” natin, dahil pwede namang unti unting magbawas sa “bond fund” natin kung “stable” ang “interest rates” pagkatapos ng sunod sunod na “rate cuts”…

pero tulad ng nabanggit na natin… di natin sinasabi na mauulit pa ang nakaraan kahit sabihin pa nating “history repeats itself”…

inaanyayahan ko rin kayong aralin ang iba pang mga bagay na pwedeng tumulong sa inyo kung paano magkaroon ng tamang pagpapasya sa imbestment na pinapasukan, tulad ng “bond yield” sa “bond fund”… at kung ano ano pa…

at paalala… ang pagaaral na ito ay hatid sa inyo ng isang utaknewbie… kaya mainam kung budburan ito ng asin…

hanggang sa muli… tinginingining…

Bond Fund Review – Buod

bilang pagtatapos sa “series” na ito, gusto ko lang balikan ang “returns on investment” ng tatlong ibat ibang bersyon – “the holder”, “the fortune teller”, at ang “the reactor” sa apat na “cases” na napagusapan na natin. pero ang totoo nyan ay dalawa lang ang pwede nating gawin dyan, maliban na lang kung nahanap na natin kung sino may hawak ng “bolang kristal" sa imbestment…

ang pinakamadaling gawin ay ang “the holder” dahil naniniwala ito sa “looong term” at walang masama dun… di gaano “stress”… hayahay… pasok pa din naman sa “the holder” kapag bumitaw sa hudyat ng interest rates base sa banko sentral ng pilipinas… yan ay kapag may “rate hike” na…

ang “the reactor” bagamat pwedeng gayahin ay iba iba ito base sa “risk tolerance” at sa “depth” ng pagaaral… medyo “stressful” din ito dahil kelangan inaabangan mo ang “market value” ng imbestment mo at dun papasok ang “reaction” kung bili pa, hold muna o benta na…

ang mga lamesa (table) sa baba ay buod ng ibat ibang bersyon, makikita ang % “return on investment” at “market value” ng 10,000 na kapital…

iniiwan ko na sa inyo ang pakahulugan sa lamesang to…

Case	“the holder”	“the fortune teller”	“the reactor”
Case A – kapag ang interest rate ay “stable” (pagkatapos ng rate hike)	10,400.00 (+4.00%)	10,900.00 (+9.00%)	10,650.00 (+6.50%)
Case B – kapag ang interest rate ay “stable” (pagkatapos ng rate cut)	9,700.00 (-3.00%)	10,750.00 (+7.50%)	10,250.00 (+2.50%)
Case C – kapag ang interest rate ay “pataas” (rate hikes)	10,179.00 (+1.79%) (pwedeng lagpasan to pag bumabase sa bsp interest rates)	11,137.00 (+11.37%)	10,716.00 (+7.16%)
Case D – kapag ang interest rate ay “pababa” (rate cuts)	11,954.00 (+19.54%)	12,478.00 (+24.78%)	11,659.00 (+16.59%)

pwedeng balikan ang mga sumusunod para sa mga detalye ng pagaaral na to –

Kinalaman ng BSP Interest Rate Decision sa Bond Fund (SBPSUIT)

Bond Fund Review Case A – kapag ang interest rate ay“stable” (pagkatapos ng rate hike)

Bond Fund Review Case B – kapag ang interest rate ay“stable” (pagkatapos ng rate cut)

Bond Fund Review Case C – kapag ang interest rate ay“pataas” (rate hikes)

Bond Fund Review Case D – kapag ang interest rate ay“pababa” (rate cuts)

dyan muna tayo... hanggang sa muli... tinginingining...

Kinalaman ng BSP Interest Rate Decision sa Bond Fund (SBPSUIT)

kinuhanan ng impormasyon

1. https://tradingeconomics.com/philippines/interest-rate
2. http://www.uitf.com.ph/daily_navpu_details.php?bank_id=12&fund_id=82&fmonth=02&fday=01&fyear=2010&tmonth=02&tday=05&tyear=2020&captcha_uitf=kismetic&btn=Filter#gsc.tab=0

pinanghahawakang ideya

1. “interest rate hike” – mas malaking posibilidad ang pagbaba ng halaga ng “bond fund”
2. “interest rate cut” – mas malaking posibilidad ang pagtaas ng halaga ng “bond fund”
3. “stable interest rate” – maaari ang pagtaas o pagbaba ng halaga ng “bond fund”

gustong malaman sa blogpost na to kung paano naapektuhan ng bsp rate decision ang bond fund (SBPSUIT) sa pamamaraang “visual” at di sa “raw data”. kaya naman, di matatalakay dito kung ilang porsyento ang pagbabago ng bond fund kompara sa pagbabago ng bsp interest rates.

sa loob ng sampung taon (2010-2020) may nakita tayong tatlong pares ng pagakyat at pagbaba ng bsp interest rates. tawagin natin silang trend A, trend B, trend C, trend D, trend E, at trend F. isaisahin natin ang nangyari.

interbal	napansin	ideya
A- (bago mangyari ang trend A)	- “stable interest rate” at bahagyang pagangat	- pinanghahawakang ideya #3 ay totoo - pwedeng pataas o pababa ang “bond fund” kapag may “stable interest rate”
A (trend A)	- “interest rate hike” dalawang beses at tumuloy pa rin ang pagangat kahalintulad sa A-	- pinanghahawakang ideya #1 ay di totoo sa pagkakataong to dahil paangat pa rin ang “bond fund”. maaaring dahil sa dalawang beses lang na “interest rate hike”
A+ (pagkatapos ng trend A)	- “stable interest rate” at halos di nagbago ang galaw ng bond fund	- totoo ang pinanghahawakang ideya #3, pataas man o pababa pwedeng mangyari sa “stable interest rate” - panibagong ideya - di ramdam ang epekto ng nakaraang interbal dahil sa kunting “interest rate hike”
B (trend B)	- “interest rate cut” at di nagbago ang galaw, maliban lang sa bandang huling bahagi kung saan mabilis ang pagtaas pero bumaba rin sa halos parehong antas	- totoo ang pinanghahawakang ideya #2 dahil paangat ang “bond fund” sa “interest rate cut” - ilang beses din ang “interest rate cut” pero ang pagangat ng “bond fund” ay di sapat sa inaasahan
B+ (pagkatapos ng trend B)	- “stable interest rate” at mabilis ang pagangat ng “bond fund” - bago pa man nagkaroon ng hike, may kabilisan din ang pagbaba	- totoo ang pinanghahawakang ideya #3 - malaki ang epekto ng nakaraang “interest rate cut” sa galaw ng “bond fund” kung may “stable interest rate”
C (trend C)	- katulad ng A ang dami ng “interest rate hike” (2) at halos walang galaw ang “bond fund”	- di totoo ang pinanghahawakang ideya #1 sa pagkakataong ito tulad ng sa A
C+ (pagkatapos ng trend C)	- “stable interest rate” at magkahalong pataas at pababa ang galaw, pero sa pangkalahatan ay pataas.	- totoo ang pinanghahawakang ideya #3, pataas man o pababa pwedeng mangyari sa “stable interest rate” - panibagong ideya - di ramdam ang epekto ng nakaraang interbal dahil sa kunting “interest rate hike” - katulad din sa A+
D (trend D)	- “interest rate cut” at halos walang paggalaw ng “bond fund”	- di totoo ang pinanghahawakang ideya #2 sa pagkakataong ito - isang beses lang ang “interest rate cut” ngunit may kalakihan
D+ (pagkatapos ng trend D)	- “stable interest rate” at magkahalong pataas at pababa ang galaw	- totoo ang pinanghahawakang ideya #3 - di nakaapekto ang D
E (trend E)	- “interest rate hike” at bumaba ang “bond fund” - halos “stable” ang galaw ng bond fund sa bandang huli	- totoo ang pinanghahawakang ideya #1
E+ (pagkatapos ng trend E)	- “stable interest rate” at magkahalong pataas at pababa ang galaw ng “bond fund”	- totoo ang pinanghahawakang ideya #3 - may epekto ang E sa unang kalahating bahagi sa E+
F (trend F)	- “interest rate cut” at pataas ang “bond fund”	- totoo ang pinanghahawakang ideya #2

buod ng mga ideya base sa napansin

kasalukuyang galaw ng “interest rate”	nakaraang galaw ng “interest rate”	(malaking posiblidad na) galaw ng “bond fund”	saan napansin (tingnan ang larawan sa taas)
stable	kunting “rate hike” (2 pababa)	magkahalong pataas at pababa, pangkalahatan ay pataas	A+, C+
stable	“rate hike” (3 pataas)	magkahalong pataas at pababa (“bullish reversal” pwedeng nagkataon lang)	E+
stable	kunting “rate cut” (1 lang)	magkahalong pataas at pababa	D+
stable	“rate cut” (higit sa isa)	pataas	B+
kunting “rate hike” (2 pababa)	stable	magkahalong pataas at pababa	A, C
“rate hike” (3 pataas)	stable	pababa	E
kunting “rate cut” (1 lang)	stable	magkahalong pataas at pababa	D
“rate cut” (higit sa isa)	stable	pataas	B, F

may aral

1. maaaring umpisahan ang pagpasok sa “bond fund” kung nagkaroon ng “rate cut” at dagdagan kung tuloy tuloy pa ito
2. bantayan ang “bond fund” kung “stable” ang “interest rate” dahil maaaring magumpisa itong bumaba. pwedeng magtakda ng “stop loss” para di tuluyang maubos ang “gain”
3. pagkatapos ng sapat na “rate hike” wag agad papasok kung “stable” na o kaya liitin ang “stop loss” dahil pwede pang bumaba ang “bond fund”

ipapaalala lang ng utaknewbie na maging mapanuri sa nababasa at wag basta basta sundin nang di inaaral. ang anumang imbestment ay nakabukas sa mga “risks” na kelangan matutunan bago pasukan.

inaanyayahan ko kayong maghanap din ng ibang “bond fund” at aralin kung paano ang “optimized” na pagpasok at paglabas upang ang perang pinagpaguran ay mapalago o maprotektahan.

ano pa ang napansin nyo sa larawang nasa taas?