Showing posts with label UITF. Show all posts
Showing posts with label UITF. Show all posts

Wednesday, February 19, 2020

Kinalaman ng BSP Interest Rate Decision sa Bond Fund (SBPSUIT)

kinuhanan ng impormasyon

  1. https://tradingeconomics.com/philippines/interest-rate
  2. http://www.uitf.com.ph/daily_navpu_details.php?bank_id=12&fund_id=82&fmonth=02&fday=01&fyear=2010&tmonth=02&tday=05&tyear=2020&captcha_uitf=kismetic&btn=Filter#gsc.tab=0

pinanghahawakang ideya
  1. “interest rate hike” – mas malaking posibilidad ang pagbaba ng halaga ng “bond fund”
  2. “interest rate cut” – mas malaking posibilidad ang pagtaas ng halaga ng “bond fund”
  3. “stable interest rate” – maaari ang pagtaas o pagbaba ng halaga ng “bond fund”
gustong malaman sa blogpost na to kung paano naapektuhan ng bsp rate decision ang bond fund (SBPSUIT) sa pamamaraang “visual” at di sa “raw data”. kaya naman, di matatalakay dito kung ilang porsyento ang pagbabago ng bond fund kompara sa pagbabago ng bsp interest rates.

sa loob ng sampung taon (2010-2020) may nakita tayong tatlong pares ng pagakyat at pagbaba ng bsp interest rates. tawagin natin silang trend A, trend B, trend C, trend D, trend E, at trend F. isaisahin natin ang nangyari.

interbal
napansin
ideya
A- (bago mangyari ang trend A)
- “stable interest rate” at bahagyang pagangat
- pinanghahawakang ideya #3 ay totoo - pwedeng pataas o pababa ang “bond fund” kapag may “stable interest rate”
A (trend A)
- “interest rate hike” dalawang beses at tumuloy pa rin ang pagangat kahalintulad sa A-
- pinanghahawakang ideya #1 ay di totoo sa pagkakataong to dahil paangat pa rin ang “bond fund”. maaaring dahil sa dalawang beses lang na “interest rate hike”
A+ (pagkatapos ng trend A)
- “stable interest rate” at halos di nagbago ang galaw ng bond fund
- totoo ang pinanghahawakang ideya #3, pataas man o pababa pwedeng mangyari sa “stable interest rate”
- panibagong ideya - di ramdam ang epekto ng nakaraang interbal dahil sa kunting “interest rate hike”
B (trend B)
- “interest rate cut” at di nagbago ang galaw, maliban lang sa bandang huling bahagi kung saan mabilis ang pagtaas pero bumaba rin sa halos parehong antas
- totoo ang pinanghahawakang ideya #2 dahil paangat ang “bond fund” sa “interest rate cut”
- ilang beses din ang “interest rate cut” pero ang pagangat ng “bond fund” ay di sapat sa inaasahan
B+ (pagkatapos ng trend B)
- “stable interest rate” at mabilis ang pagangat ng “bond fund”
- bago pa man nagkaroon ng hike, may kabilisan din ang pagbaba
- totoo ang pinanghahawakang ideya #3
- malaki ang epekto ng nakaraang “interest rate cut” sa galaw ng “bond fund” kung may “stable interest rate”
C (trend C)
- katulad ng A ang dami ng “interest rate hike” (2) at halos walang galaw ang “bond fund”
- di totoo ang pinanghahawakang ideya #1 sa pagkakataong ito tulad ng sa A
C+ (pagkatapos ng trend C)
- “stable interest rate” at magkahalong pataas at pababa ang galaw, pero sa pangkalahatan ay pataas.
- totoo ang pinanghahawakang ideya #3, pataas man o pababa pwedeng mangyari sa “stable interest rate”
- panibagong ideya - di ramdam ang epekto ng nakaraang interbal dahil sa kunting “interest rate hike”
- katulad din sa A+
D (trend D)
- “interest rate cut” at halos walang paggalaw ng “bond fund”
- di totoo ang pinanghahawakang ideya #2 sa pagkakataong ito
- isang beses lang ang “interest rate cut” ngunit may kalakihan
D+ (pagkatapos ng trend D)
- “stable interest rate” at magkahalong pataas at pababa ang galaw
- totoo ang pinanghahawakang ideya #3
- di nakaapekto ang D
E (trend E)
- “interest rate hike” at bumaba ang “bond fund”
- halos “stable” ang galaw ng bond fund sa bandang huli
- totoo ang pinanghahawakang ideya #1
E+ (pagkatapos ng trend E)
- “stable interest rate” at magkahalong pataas at pababa ang galaw ng “bond fund”
- totoo ang pinanghahawakang ideya #3
- may epekto ang E sa unang kalahating bahagi sa E+
F (trend F)
- “interest rate cut” at pataas ang “bond fund”
- totoo ang pinanghahawakang ideya #2

buod ng mga ideya base sa napansin

kasalukuyang galaw ng “interest rate”
nakaraang galaw ng “interest rate”
(malaking posiblidad na) galaw ng “bond fund”
saan napansin (tingnan ang larawan sa taas)
stable
kunting “rate hike” (2 pababa)
magkahalong pataas at pababa, pangkalahatan ay pataas
A+, C+
stable
“rate hike” (3 pataas)
magkahalong pataas at pababa (“bullish reversal” pwedeng nagkataon lang)
E+
stable
kunting “rate cut” (1 lang)
magkahalong pataas at pababa
D+
stable
“rate cut” (higit sa isa)
pataas
B+
kunting “rate hike” (2 pababa)
stable
magkahalong pataas at pababa
A, C
“rate hike” (3 pataas)
stable
pababa
E
kunting “rate cut” (1 lang)
stable
magkahalong pataas at pababa
D
“rate cut” (higit sa isa)
stable
pataas
B, F

may aral
  1. maaaring umpisahan ang pagpasok sa “bond fund” kung nagkaroon ng “rate cut” at dagdagan kung tuloy tuloy pa ito
  2. bantayan ang “bond fund” kung “stable” ang “interest rate” dahil maaaring magumpisa itong bumaba. pwedeng magtakda ng “stop loss” para di tuluyang maubos ang “gain”
  3. pagkatapos ng sapat na “rate hike” wag agad papasok kung “stable” na o kaya liitin ang “stop loss” dahil pwede pang bumaba ang “bond fund”
ipapaalala lang ng utaknewbie na maging mapanuri sa nababasa at wag basta basta sundin nang di inaaral. ang anumang imbestment ay nakabukas sa mga “risks” na kelangan matutunan bago pasukan.

inaanyayahan ko kayong maghanap din ng ibang “bond fund” at aralin kung paano ang “optimized” na pagpasok at paglabas upang ang perang pinagpaguran ay mapalago o maprotektahan.

ano pa ang napansin nyo sa larawang nasa taas?

Wednesday, December 18, 2019

UITF - Money Market Funds


paunawa: ang blog na ito ay mula sa utaknewbie kaya ang mababasa nyo ay suriin mabuti. walang nirerekomenda ang artikulong ito.


sa totoo lang halos magkakadikit, (mukhang parepareho nga) ang mga ideya na mapupulot dyan. kaya sa post na to. gusto ko lang ibahagi ang "pananaw" ko sa mga karaniwang tanong may kaugnayan sa money market ng UITF. ang mga pananaw na to ay base sa impormasyong nababasa ko rin at base sa karanasan ko bilang utak newbie sa larangan ng pagpapalago ng pera.

kung may napansin kayong mali, pwede nyo akong ibash at itama yun... 😅☕️☁️

Tanong 1

Ano ang money market fund?

Pananaw: ang money market fund ay "pooled fund" na nakaimbes sa mga "high yield deposit products" tulad ng time deposit. kaya ang "return on investment" nito ay naaayon sa mga ganyang "investment instruments"

Tanong 2

Ilang percent ang "return on investment" ng money market fund?

Pananaw: walang eksakto. di tulad ng direktang time deposit, nagbabago ang roi kada taon ng money market fund kasi - maraming dahilan, ito hula lang... 😅☕️☁️... pwedeng tapos na term ng ilang deposits... kelangang ipreterminate ang ilan kung may mga nag "redeem" o may mas magadang deposit product... sa bandang taas nakalista ang mga may matataas ang returns "year to date"... kaya ngayong taon... nasa 3-6% din ang money market funds...

Tanong 3


Saang banko magandang maglagay kapag money market fund na UITF ang kukunin ko?

Pananaw: sa taas, nakasulat ang Union Bank, Asia United Bank, China Banking Corporation, Rizal Commercial Banking Corporation, at BDO Unibank, Inc. kung "return on investment" ang paguusapan... pero kelangan mong "research" ang iba pang bagay tulad ng "holding period", dali ng aplikasyon, dali ng pagbawi ng imbestment, lapit ng banko at marami pang iba. sa pananaw ko, di dapat hinahabol ang "return on investment" dahil nagbabago naman yan, baka sa huli palipatlipat ka ng banko... "hassle"... kaya piliin mo rin yung magbibigay sayo ng iba pang opsyon (sa UITF) para palaguin ang pera mo, maliban sa money market fund...












... itutuloy...

Monday, October 14, 2019

Saan Pwedeng Ilagay ang Pera

paunawa: ang blog na ito ay mula sa utaknewbie kaya ang mababasa nyo ay suriin mabuti. walang nirerekomenda ang artikulong ito.

talakayin natin ang isa sa mga pinaka natatanong na katanungan mula sa mga madlang imbestor... isama natin ang tatlong klase ng pundo ayun sa pangangailangan... at kung saan pwedeng ilagay ang pundo... ilimit natin sa pitaka, atm at UITF. di natatalakay sa artikulong ito ang alokasyon ng inyong sahod. inaasahan din ng artikulong ito na may pangunahin kang pinagkukunan ng sahod o may kinikita si ikaw.

una, kelangan muna nating alamin kung anong "role" meron ang isang klase ng pundo. pangalawa ay kung saan to pwedeng ilagay.

pang gastos

maaaring ito ay katumbas ng isang bwang sahod o isang bwang gastusin. pasok dito ang mga inaasahang gastusin bwan bwan.

dahil kelangan "liquid" ito ay kelangang nasa baso... este... nasa pitaka mo. kahit kapitbahay mo pa ang banko, abala pa rin ang dumaan dyan para makabili ka lang ng instant na kape.

kung may mga transaksyon naman na pwede ang atm, pwede ring ilagay ang ilang bahagi ng pang gastos mo sa atm. mahirap ding hawak lahat ang pera, malakas ang tukso ng komersyo. kelangan mo lang piliin nang maigi ang banko kung saan mo ilalagak ang pang gastos mo. pwede kang pumili sa mga sumusunod - landbank, chinabank, metrobank, pnb, bpi, security bank. ang tatlo sa bandang huli ay mainam rin para sa "settlement" ng UITF account.

emergency fund

sa aking pagkakaintindi at sa pagkakagamit, ang emergency fund ay binubuo ng anim hanggang isang taong sahod minsan ay higit pa... para sa iba ito ay bwanang gastusin sa halos parehong haba ng panahon... ang pundong ito ang pinakaayaw mong gamitin dahil para ito sa emergency... kayo di ito para sa pangbakasyon o gadget... kung kelangan mo nyan, pagipunan mo... di pwedeng galawin dahil lang sa pakiramdam mo walang mangyayaring emergency kinabukasan... pwedeng sumang ayon kayo sa akin o hindi sa bagay na ito, pero ang emergency fund ay di kelangang "liquid" sa kabuuan nito. ito ang ilang dahilan ko 1) dahil sa merong nakahiwalay na pang gastos 2) dahil malaki laki din ito at 3) dahil ayaw mo ito galawin... sa totoo lang, ito ang "buffer" ko kung sakaling mawalan ng trabaho, sa anim na bwan hanggan isang taon, sa tingin ko makakahanap na ako ng trabaho o nangangalakal na ako... kaya ang pinaka "role" nito sa akin ay panghalili sa sahod kung nawalan ako ng trabaho...

ang ilang bahagi ng emergency fund ay pwedeng nasa ATM lang... pwedeng pangisang bwan ng sahod o gastusin ayos na...

ang malaking bahagi nito ay pwede ring ilagay sa unit investment trust fund - money market fund para kahit paano ay lumago... maaari mo rin namang "redeem" ito at makukuha kinahapunan o kinabukasan... gawin mo lang ito kung malakilaki ang emergency fund mo... maaaring para sa dalawa o limang bwang sahod o gastusin... o kaya 80% ng para sa emergency fund mo...

at kung maganda ganda ang tinatahak ng bond fund, pwede mo ring ilagay ang 10% ng emergency fund mo... maging mahigpit lang sa "trailing stop loss" mo... at dahil, hanggang sa sinusulat ko ito, ay wala akong makitang may teknikal na analysis sa bond ay pwedeng maglagay ka ng "trailing stop loss" na di ka kabado, siguro ay 0.5% hanggang 1% mula sa pinakamataas na napuntahan ng bond fund mo, ayos na...

pang imbest

ang halagang inilagak dito ay mainam na di nakaplanong gastusin sa maigsing panahon. mahalagang maintindihan na ekspos ito sa "risk". ganun pa man, mainam na pagaralan ang ibatibang klase ng imbestment upang mapalago ng maayos ang pundo.

maaaring balikan ang Sa Anong Klaseng UITF Ko Ilalagay ang Pundo? para magkaroon ng ideya sa kung saan pwedeng ilagay ang iyong pang imbest.

sana ay nakatulong ulit ito sa ilan sa inyo. tandaan ang role ng pundo para di malito. magaral mabuti, lalo na kung utaknewbie.

Saturday, August 17, 2019

PSEI Agosto 16, 2019

ang mga sumusunod na pahayag ay di nagsasaad na ikaw ay bibili o bebenta.

mga obserbasyon -
  • nagkaroon ng TK cross o KT cross kasi baliktad bago pa man magumpisa ang aghosto.
  • kasalukuyang nasa loob ng ulap, wag lang mahulog dyan... cloud9 tayo...
  • "bearish" ang hinaharap na ulap...
  • ilang beses na ayaw palusutin ng TS (blue line) ang presyo, inaasahan (ko) na bababa pa lalo ang TS, at pag nangyari yan, kelangan ng presyo na lumusot sa linya para di sya maitulak pababa ng ulap ni TS... kaya manalangin tayong manatili sya sa ulap... ✌️😅☕🐝
  • ang CCI at presyo ay nagpapakita (yata) ng divergence, sa totoo lang di ko alam yun... basta sa bawat pagbaba ng presyo, di na ganun katindi ayun sa CCI...
  • ayaw pa rin paawat ng MACD sa pagbaba, kunting pagbagal lang sa MACD line... nagpapahabol siguro sa signal line, para magtagpo na sila... ✌️😅☕🐝...




Friday, October 5, 2018

Paano magdagdag sa pundo ng SBPSEQF (Subscribe)

Una sa lahat, puntahan ang Online Access ng Security Bank at gawin ang nasa baba.
Pagbukas ng Online Access, hanapin ang UITF account sa bandang baba ng Savings Account o kaya naman sa menu... Investments.
Lalabas ang buong detalye ng UITF Account (Trust Account).

Gawin lang ang nasa baba.
Sana malinaw ang panuto.
Pansinin na iisa lang ang UITF Account na gamit ko, at mayroon itong COPs (certificate of participations) depende sa bilang ng subskripsyon ko o ilang beses ako bumili. Ibig sabihin madali mong mamanage ang mga dinadagdag mo. Pwede mong isipin na parang bumibili ka ng pan de sal - hindi Pan De Vera - pan de sal, na sa bawat bili mo ay nakasilid sa paperbag (COP). Hindi tulad ng ibang banko na inihahalo mo ang bagong biling pan de sal sa dati mo nang nabili. Ang kagandahan nung nakabukod ay di magagalaw ang dati mong pan de sal kapag binenta mo yung ibang grupo (nasa paperbag) na pan de sal.

Ito ang halimbawa, kung paano ko nagagamit ang pagkakahiwalay. Ipagpalagay na lang nating nakapagsubscribe ako ng 5 beses. 5 COP yun. Kung gusto kong sumubok ng isang pamamaraan, pwede ko gawin yun sa, sabihin nating, 2 subskripsyon. Kapag naglaro sa isang range (ng PSEi, e.g. 7500-7800), pwede ako redeem-subscribe. Pwede ko mapababa, pwede rin mapataas ang average. Kung nagkamali, dahil sumusubok pa lang, hindi apektado ang iba - pangkalahatan, oo. Pero yung benefit outweigh niya ang disadvantage... disadvantage yung negative risk, pagbaba, benefit yung makagawa ka ng sarili mong strategy. Habang napapraktis mo sa maliit na halaga, mas nahahasa ka para palaguin ang pera mo.

Sana nakatulong ang una kong post, magtanong lang kayo at sasagutin ko base sa KARANASAN KO, IBINABAHAGI NG IBA, at mga KONSEPTONG NABABASA. BEAR COFFEE 🐻🍵